Главная » 2017 » Декабрь » 11 » Сүдү поэкка сүгүрүйүү.
08:33
Сүдү поэкка сүгүрүйүү.

                                                      Сүдү поэкка сүгүрүйүү.

      Сахабыт тылын барҕа баайын, сүдү күүһүн кэнчээри ыччат аан маҥнай Петр Тобуруокап

хоһоонноруттан билэр. Кини геройдара күннээҕи олохтон ылыллыбыттар, аттыбытыгар бу баар

оҕо курдук оҕолор: арыт мэниктээн, арыт атаахтаан да ылаллар. Олоҕун оҕону иитиигэ-үөрэтиигэ анаабыт учуутал кырачаан ааҕааччыга бэйэтин курдук оҕону ойуулуур буолан, кини

айымньыларын оҕо чугастык ылынар, сөбүлүүр, доҕор-атас оҥостор.  

    Саха народнай поэта, оҕо-аймах тапталлаах суруйааччыта Петр Николаевич Тобуруокап алтынньы 25 күнүгэр  100 сааһын  туолбут үбүлүөйүн республика бары муннуктарыгар өрө көтөҕүллэн туран киэҥник бэлиэтээбиттэрэ.  Биһиги оскуолабытыгар библиотекарбыт Октябрина Егоровна салайыытынан тапталлаах суруйааччыбытыгар аналлаах декада ыытыллыбыта.  Октябрина Егоровна уонна кылаас салайааччылара ыыппыт библиотечнай уруоктарыттан бэрт элбэҕи билбиппит. Декада чэрчитинэн араас конкурстар ыытылыннылар. Манна алын кылаастан саҕалаан оҕолор олус көхтөөхтүк кытыннылар. Ол курдук 3-4 кылаас оҕолорун уонна төрөппүттэрин икки ардыгар "Биһиги ааҕар дьиэ кэргэн” диэн үс туһүмэхтэн турар күрэх буолла. Бастакы түһүмэх- бэйэни билиһиннэрии, иккис түһүмэх - Тобуруокапка

аналлаах викторина, үһүс түһүмэх - аахпыт кэпсээннэринэн сыанабыл оҥорон көмускээһин. Бу күрэс тумугунэн 1 миэстэни Ширяевтар(2 к), 2-с миэстэни Дмитриевтэр (4 к), 3-с миэстэлэри Антоновтар(1 к), Дьячковскайдар (3 к) дьиэ кэргэттэрэ ыллылар. Алын кылаас оҕолорун икки ардыгар "Күндүттэн күндүнү олоҕу туойбутум” диэн өйтөн ааҕыы курэҕэ буолла. Манна 1 миэстэҕэ Ширяев Кеша (3 кылаас), 2 м – Павлова Аня (4 кылаас), 3 м- Илларионов Радик (3 кылаас)  таҕыстылар. Ону таһынан "Күн таммахтара” диэн Тобуруокап айымньыларынан уруһуй куонкурсугар оҕолор көхтөөхтүк кытыннылар.

П.Н.Тобуруокап кинигэлэрин быыстапкатыгар "Саамай тупсаҕай оҥоһуулаах  быыстапка» -4 кылаас, "Саамай элбэх оҕоҕо аналлаах кинигэни хомуйуу”- 3к,  "1950-1960 сыллардаах бэчээккэ тахсыбыт айымньыны булуу” (1961 с Хотугу сулус сурунаал) -5 кылаас, "Саамай элбэх кинигэлээх” - 5 кылаасанал ааттары ыллылар..

     Петр Тобуруокап – ырыаһыт поэт. Кини курдук элбэх ырыалаах поэт, арааһа, суох буолуо. Ол курдук 300-тэн тахса хоһооно уостан түспэт ырыа буолан ылланар.  Декаданы түмүктүүр "Ырыа буолбут хоһооннор” диэн литературнай биэчэр «Айыллаан” кииҥҥэ ыытылынна.

Биэчэри нэһилиэк библиотекара Сахаайа Семеновна Терентьева иилээн-саҕалаан ыытта. Манна детсад оҕолоро хоһоон ааҕан чоргуйдулар, оскуола оҕолоро уонна нэһилиэк аҕам саастаах көлүөнэтин ансамбыла "Айыллаана” Бүөтүр Тобуруокап хоһоонноругар айыллыбыт ырыалары өрө көтөҕуллэн туран ыллаатылар. Ол курдук музыка учуутала Парасковья Тимофеевна оҕолору бэлэмнээһининэн  "Ийэ кунэ” (1 к), "Мэник мээчик” (2 к), "Күнү кытта” (3 к), "Моруос кэллэ” (4 к), "Өҥнөөх кустукчаан” (5 к), "Чэмэлиинэ” (6 к), "Өндөрүүскэ тиэтэйбэт” (7 к), "Күөрэгэйдиин көрсуһүү” (9 к), "Мутука сыта” (10 к), "Көтөн тахсыҥ кыталыктар” (11 к) диэн ырыалары астына иһиттибит. Бу биэчэргэ барыта 135 оҕо уонна нэһилиэк олохтооҕо кытынна.

Ити курдук тапталлаах суруйааччыбыт Бүөтүр Тобуруокап сүдү аатыгар сүгүрүйэн,  кини туһунан элбэҕи билэн –көрөн, астынан-дуоһуйан  тарҕастыбыт.

 

Егорова Валерия 11 кылаас И.Г.Игнатьев аатынан Хара орто оскуолата.

Просмотров: 108 | Добавил: bog-hunter | Рейтинг: 0.0/0
Всего комментариев: 0
Имя *:
Email *:
Код *:
Форма входа
Телефон доверия
Телефон доверия: +7 (4112)42-10-28 +7 (495)104-68-38 "Горячая линия": ЕГЭ: +7 (4112)42-10-46 ОГЭ: +7 (4112)42-10-48 +7 (495)984-89-19
Наш опрос
Как вам наша школа?
Всего ответов: 24